Brimil sleipaði Grím Kamban

Grímur Kamban og Kalsevni vóru til fiskiskap, tá fyrrnevndi fekk trupulleikar við gearinum og mátti hava sleip til lands

Síðstu nátt tók vaktarskipið Brimil djúpvatnstrolaran Grím Kamban (TN 320) upp á sleip og sleipaði skipið á Fuglafjørð, hagar teir komu um middagsleitið í dag.
Grímur Kamban og Kalsevni, sum partrola, vóru til fiskiskap, tá Grímur Kamban fekk trupulleikar við gearinum.
Skipið er upprunaliga smíðað á Akureyri í Íslandi í 1987.
Tá Grímur Kamban var heimahoyrandi í Íslandi, kallaðist skipið Nøkkvi.

© Vilmund Jacobsen - Sosialurin

Deil