Tað eru ikki øll, sum hava frí ein Skírhósdag

Ein av teimum sum ikki hevði frí, er Sergey Lutov.
Sergey er agentur hjá Faroe Agency, og var hann á Skála í morgun, og avgreiddi Port State Control skjølini hjá Russiska skipinum Admiral Shabalin.
Admiral Shabalin skuldi umskipa svartkjaft, við Kapitan Telov sum lá á Skála.
Port State Control skjalið, vanliga nevnt PSC , gevur skipinum loyvið at umskipa.
Men fyrst mugu mynduleikarnir uppí, mannagongdin er henda:
Fiskiskipið sendur PSC skjalið til Port State mynduleikan, í hesum føri Fiskiveiðieftirlitið.
Fiskiveiðieftirlitið víðarisendur PSC skjalið til Flag State tað er Russlands.
Russisku mynduleikarnir skulu síðani váttað fylgjandi:
1. Fiskiskipini, sum siga seg hava fiskað fiskin, hava nóg stóra kvotu til landaða fiskin og fiskasløgini
2. Nøgdirnar umborð eru fráboðaðar á rættan hátt, havandi í huga tey frávik, sum kunnu vera í eini veiðifráboðan
3. Fiskiskipið hevur loyvi at fiska í økinum
4. At VMS (Satelitturin) skrásetingin váttar, at skipið hevur verið í økinum

Tá Russisku mynduleikarnir hava váttað fylgjandi punkt, verður skjalið sent aftur til Fiskiveiðieftirlitið í Føroyum, sum síðani gevur endaligt loyvið til umskipingina.

Endaliga Skjalið verður síðani sent til NEAFC ( North East Atlantic Fisheries Commission)
í London, sum leggur tað á heimasíðuna hjá teimum, so allir eftirlitsmynduleikarnir, sum hava limaskap í NEAFC kunnu síggja tað.

Deil