Viðvíkjandi elektroniskari veiðifráboðan, tá ið fiskað verður sambært sáttmálum við onnur lond.

Viðvíkjandi elektroniskari veiðifráboðan, tá ið fiskað verður sambært sáttmálum við onnur lond.

Í londunum uttanum okkum hevur elektronisk veiðifráboðan verið brúkt í fleiri ár. Tað hevur kortini ikki verið álagt føroyskum skipum, at senda elektroniskar veiðifráboðanir til myndugleikar í øðrum londum.
Vit hava síðan á vári 2014, fingið áheitanir frá øðrum myndugleikum, at byrja fyrireiking av samstarvi um elektroniskar veiðifráboðanir. Fundir hava verið millum føroyskar myndugleikar og aðrar partar um hesi viðurskifti.
Í fiskirættindasáttmálanum millum Føroyar og Noreg er ásett, at skipini hjá báðum pørtum skulu vera før fyri, at senda elektroniskar veiðifráboðanir, í seinasta lagi 1. juli 2016. Avtalað er eisini, at royndir skulu gerast partanna millum so skjótt sum gjørligt.
Í royndartíðini skulu norsk skip senda til føroyskar myndugleikar og føroysk skip til norskar myndugleikar.
Í fiskirættindasáttmálanum við ES er ásett, at føroysk skip, ið eftir 1. januar 2017, ætla sær at reka fiskiskap í ES sjógvi, skulu vera før fyri, at senda elektroniskar veiðifráboðanir til ES, eftir tí leisti ið avtalaður er partanna millum. Somuleiðis skulu ES skip vera før fyri at senda elektroniskar veiðifráboðanir til føroyskar myndugleikar, um tey ætla sær, at reka fiskiskap í føroyskum sjógvi í 2017.

Ísland og Grønland eru eisini áhugað, at samráðast við føroyskar myndugleikar um hesi viðurskifti í 2016.

XML-sniðið ið brúkast skal, er at finna á heimasíðuni hjá Vørn undir ” Talgild móttøka”.

Um spurningar eru hesum viðvíkjandi, skulu tit seta tykkum í samband við Vørn á telefon 311065 og spyrja eftir Martin Kruse.

Vegna Fiskiveiðieftirlitið

Jóhan Simonsen, deildarstjóri

Deil