Eygleiðarar á fiskiskipum fyri Fiskiveiðieftirlitið

Tvey størv sum eygleiðara umborð á fiskiskipum, verða hervið lýst leys, at seta sum skjótast. Talan er um fast starv.

Starvið fevnir m.a. um hesar uppávur:

• Skráseta, skriva frágreiðing um fiskiskapin og staðfesta hvar fiskað verður
• Kanna og meta um veiðuna
• Skráseta útblaking, hjáveiðu og veiðu av undirmátsfiski
• Kanna fiskireiðskapin
• Kanna dagbókaføringina
• Kanna veiðu í hvørjum einstøkum háli
• Taka sýnir
• Fylgja við um fylgisveinaeindin er virkin og sambært ásetingunum
• Boða frá møguligum brotum á loyvistreytirnar

Førleikakrøv:

• Fiskivinnutøkningur, ella aðra viðkomandi útbúgving. Fyrimunur men ikki krav.
• Royndir innan ymiskar veiðihættir
• Heilsuváttan fyri sjómenn.
• Góðan førleika at samskifta á føroyskum, norðurlendskum og enskum máli.
• Evnir at arbeiða sjálvstøðugt og óheft.

Setanartreytir:

Lønin er sambært stig 35 í tænastumannalønartalvuni. Starvið er tó ikki tænastumannastarv. Setanarøkið fevnir um Fiskimálaráðið og deildir/stovnar undir tí.

Tænastustaðurin í løtuni er Fiskiveiðieftirlitið.

Starvsheiti er eygleiðari.

Tann í sett/ur verður, má kunna tola broytingar í starvinum, og at økið verður umskipað til eisini at fevna um aðrar uppgávur í Fiskimálaráðnum.

Áðrenn setan kann almenn revsiváttan umbiðin.

Umsóknir:

Umsóknir saman við avriti av prógvum, og møgiligum viðmælum, skulu vera Fiskiveiðieftirlitinum í hendi í seinasta lagi 15. mai. 2023 kl. 12:00.

Umsóknir skulu sendast til :

Fiskiveiðieftirlitið, postsmoga 347, 110 Tórshavn.

Ella sum teldupostur til: journal@vorn.fo

(øll viðheft skjøl skulu vera í pdf-formati)

Nærri upplýsingar um starvið kunnu fáast við at venda sær til Fiskiveiðieftirlitið tlf. 31 10 65 og tosa við Meinhard Gaardlykke, fulltrúa.